重點速讀
- 頭三樣加埋幾百蚊，好過一開始就落幾萬買一堆燈但唔識用
點解淨係打燈就咁難？
做咗十年產品攝影，最常聽到嘅一句係：「你哋啲燈好貴㗎啦？」 每次我都笑住唔答。真正貴嘅從來唔係燈具，而係你唔知點樣用佢。
一塊 $30 嘅白色泡沫板，同一支 $8000 嘅 LED 燈，做出嚟嘅相可以幾乎一樣。 分別唔在於器材，而在於你理解唔理解光喺度行緊乜。
三盞燈，唔多唔少
所有產品攝影嘅基本結構，都離唔開呢三盞燈：
- Key light（主光） — 決定產品形狀同質感。放喺 45 度角，高度略高過產品
- Fill light（補光） — 減輕陰影硬度。放喺主光對面，亮度係主光嘅 30–50%
- Rim light（輪廓光） — 令產品邊緣「起線」，同背景分離。放喺產品後上方
新手最常犯的錯
補光唔係越多越好。補光調得太亮，產品就完全「死」咗，冇立體感。
正確做法：補光應該只係令陰影唔至於全黑，而唔係照平佢。
燈位唔係越多越好
見過好多新手一入場就開五盞燈，結果出嚟嘅相每一面都係一樣亮度， 完全冇立體感。攝影唔係加法，係減法。
我嘅實際做法：先淨係用一盞 key light 影一張。 如果已經OK，就唔加嘢。如果太平，就加 fill。 如果產品同背景黐埋，就加 rim。
每加一盞燈，你就要重新平衡全部光比。唔加，通常就對。
常用材質點樣處理
金屬 / 電鍍
金屬會反射環境，所以你需要 大面積柔光。 一張 A3 白色咭紙放喺 key light 前面，就已經係一個好嘅柔光箱。 金屬嘅重點係要有漸變 —— 死黑或者死白都好核突。
玻璃 / 透明
玻璃最難，因為你見到嘅係「背後嘅嘢」。 正確做法係打亮背景，而唔係打亮產品本身。 背景同產品之間嘅亮度差，就係玻璃嘅輪廓。
食品
食物最重要係質感。一定要用側光， 因為食物嘅吸引處係表面嘅紋理同油光。 正面打光會令食物睇落似塑料。
廉價方案
主光用LED 燈 + 白色
自然光都要識用
影相之後：後期仲可以救
唔係所有嘢都要靠打光解決。有三樣嘢後期做比現場做快好多：
- 加淨背景光 — 如果 rim light 唔夠，後期徑向模糊 + 暗角就得
- 調整對比 — 太平就加對比，太爆就減高光
- 改色調 — 偏黃偏藍喺後期一個HSL 已經搞掂
但要記住：後期救唔到光位錯。 如果主光打錯角度，后期點執都唔似。所以現場一定要打對。
如果你真係想買燈
我唔反對買好嘢，但建議順序係：
- 先買一支 可調色溫 LED 燈（一個 panel 或者一支 tube）
- 加兩張 白色 A3 咭紙 做柔光同補光
- 加一個 黑色卡紙 做負補光（block light）
- 最後先考慮買燈箱、trigger、背景紙
頭三樣加埋幾百蚊，好過一開始就落幾萬買一堆燈但唔識用。
